كتاب الآراء

ازيز الذباب الإماراتي لا يزعجني … لاني اعرف قوة مدافعنا الالكترونية … لكن حين يتعلق الأمر ببلدي مكنصبرش …

الانتفاضة /بقلم :رحمة رقيق

لا أحب ولا أكثرت أصلا للأخبار السياسية بين البلدان الخ … لكن حين يتعلق الأمر ببلدي مكنصبرش …
وأنا أتصفح بعض المواقع البارحة ليلا استرعى انتباهي خبر دولة الإمارات ” الغير الشقيقة ” التي تحاول باستماتة أن تساعد اسرائيل في إعادة رعايا صهاينة عالقين بالمغرب … گالت لليهود : عندكم عالقين ، مغيخليوش المغرب طائرتكم تنزل عندهم وحتى أنا عندي شي رعايا ديالي عالقين تماك بسبب الوباء ، نصيفط طائرة ديالي إماراتية ونجمع ديالي وديالكم ونجيبهم والمغرب مغتقولش لاَّ ، مادامت الطائرة اماراتية … پشااااااااااااااااخ !!!🙄
الناس كيخططو ويقررو بوحدهم بيناتهم آش غيديرو وكأن المغرب لا سلطة له على أراضيه ومناخدوش برأيو !!!!!! پشاااااااااااااخ عاوتاني !!!! 🙄
الكل يعلم أصلا أن الإمارات واسرائيل حكومة واحدة شغلهم هداك ومصالحهم هديك ماشكمانا كما يگولو … لكن ذلك لا يمنحهم الحق في أخدِ قرارات تخص السيادة الوطنية ولا النزول على أراضي المملكة المغربية الشريفة عنوة…
اللّي زاد أثار حفيظتي هو بعض الذباب الالكتروني الإماراتي لِّي خارج يهلل ، قالك المغاربة الا زادت كورونا غيموتو بالجوع …😱
معرفتش واش فخبار صحاب الفّاقا أن المغرب عندو واجهتين بحريتين غياكل حوتهم دبا كلو اصلا التصدير واقف … والمغرب عندو ولله الحمد سدود وأراضي فلاحية ، الخضر والفواكه غير مزلّعة عندنا فالسواق كتّباع بالعرارم كيجي البراني لّي مموالفش غير يتصور حداها …راه صحاب الفّاقا البطاريق هما اللّي غيموتو بالجوع الا بقات كورونا … غدي يشربو بترولهم اصلا ضاربو الكساد حيت كلشي الحركة فالعالم موقفة … ملّي يساليوه يدوزو يشربو بول بعيرهم ، وياكلو الرملة لِّي معمّرة أراضيهم ومالقوا مايديرو بها …!!!
ملّي جيت نسول على هاد الإمارات الحزّوقية … لقيتها معندهاش خمسين عام كاملة فالنشأة ومساحتها لاحُّولاَ … وقِلاَ شركة رونو عندنا أكبر مساحة من هاد “العمارات” على قول كبور راجل الشعيبية ….
والمغرب قديم فالتواجد والحضارة بقرون ميعرفوش البطاريق يحسبوها …. لدرجة أن المغرب فاز بكأس أفريقيا ف 1970 ، ودويلة العمارات أو الأحرى هاد المقاطعة ديال الإمارات لم تكن متواجدة بعد ، حيت خربقو جمعوها غير ف 1971 ….
سبحان الله هاد الإمارات مكتحشمش ، باسلة وكتجرّأ على اللّي أكبر منها وهي تزادت غير ف 1971 ، وأنا أصغر منها بشي سنوات ولكن مكنبسّلش و لا أتجرّأ على اللي أكبر مني 😂🤣😅
مالا يعلمه البطاريق هو أننا كنموتو على بلادنا ونفديوها برواحنا إن لزم الأمر ونحن جنود مجندة وراء ملكنا وراية بلادنا ، وشعارنا الخالد الله الوطن الملك … وتخراج العينين ديالهم وديال غيرهم گاع مكيخلعنا … ✌️

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى